La Voz de Galicia 25/6/2009

Concurso: ‘Mascota para Coristanco 2020’ patrocinado por Caramuxo.

Coristanco precisa da vosa axuda. Precisamos do voso talento para escoller á mellor mascota para os xogos olímpicos de Coristanco 2020. Todos podedes participar, simplemente tedes que deseñar a vosa mascota e enviala á dirección coristanco2020@gmail.com. 3 camisolas do Caramuxo están en xogo!

Bases do concurso: ‘Mascota para Coristanco 2020’ patrocinado por Caramuxo.

1. Pódense enviar tantos deseños coma se queira.
2. Os deseños da mascota deberán ter relación con Coristanco e cos Xogos Olímpicos.
3. Os deseños entregados quedarán en posesión deste colectivo que poderá usalos cando e como quixer.
4. Os deseños deben ser enviados en formato .jpg a dirección coristanco2020@gmail.com.
5. Establécese 3 premios para os mellores deseños, consistentes nunhas camisolas deseñadas polo noso patrocinador oficial: Caramuxo.
6. O xurado será nomeado pola plataforma, que escollerá entre os participantes os dez mellores deseños. Estes dez deseños serán publicados o día 28 de Xullo na páxina oficial da plataforma (www.coristanco2020.blogspot.com) para que unha votación popular sexa quen elixa o gañador/a.
7. A mascota gañadora será recoñecida coma a mascota oficial de Coristanco 2020.
8. A data límite de envío dos deseños é o 25 de Xullo.
9. A participación neste concurso supón a aceptación destas bases.
10. Xuntos cos deseños deberán ser enviados os seguintes datos: nome e apelidos, localidade e e-mail.
11. O xurado poderá declarar os premios desertos.
    

Estamos en Crise - Radio Galega

Hoxe, Coristanco 2020 fíxose un oco na apretada programación do programa de Estamos en Crise para publicitarse. Dende aquí, a plataforma agradece a todo o equipo do programa o seu tempo e o feito de que nos apadriñaran.

Moitas grazas.

Link ao programa de Estamos en Crise do sábado 30 de maio (Minuto 18, aproximadamente)

Noticia de Vieiros (clic na imaxe)

Instalacións deportivas

Coristanco, conta con ducias de metros cadrados onde se sitúan as súas instalacións deportivas. Nestes momentos o proxecto está case finalizado, faltando só por construír o último horreo.

Na actualidade Coristanco conta con:

• Diversas hortas nas que se realizarían as probas de lanzamento de sacho e de pataca.
• Varias pistas nas que se desenvolverían as competicións de atletismo.
• Ademais, Coristanco, conta cun amplo complexo deportivo formado por unha pista de mini-baloncesto e fútbol e unha cancha de tenis.
• Por último, contamos con un complexo de hórreos no que se situarán a sede do COI e a do comité de presidencia de honra da selección de Terra Chá.

Futura sede do COI

Presentación

Plataforma pola candidatura de CORISTANCO 2020

Esta plataforma preséntase coa única intención de conseguir que o concello de Coristanco entre na historia mundial ao ser a primeira localidade galega en albergar uns xogos olímpicos.

Por que Coristanco?

Porque é unha preciosa vila Bergantiñensa con máis de 140 kilómetros e apenas a uns kilómetros da costa. Os xogos olímpicos de Coristanco 2020 sentarán un precedente na historia olímpica: por primeira vez, dende os tempos gregos, as probas realizaríanse completamente ao aire libre, sen instalacións, recordando o duro traballo e recompensando o esforzo.

Nunha etapa de graves recensións económicas e crises ecolóxicas, Coristanco 2020 quere ser o novo referente do equilibrio entre progreso e ecoloxía. Os centos de kilometros cadrados da localidade bergantiñensa só serían acondicionados para reducir a capa de maleza e silvas que poderían incomodar aos atletas.

Coristanco 2020 é a opción de futuro, é a opción que podería rachar completamente coa tradición dos XXOO.

Porque Coristanco é unha opción viábel, porque Coristanco é un referente a nivel mundial: Apoia a Coristanco 2020.

Por uns xogos olímpicos na Galiza: Coristanco 2020!